“Saliu çelësi, Luli brava”, Rama: Marrëzia mund të shkojë dhe në dajak

Kryeministri Edi Rama, në rolin e analistit foli mbrëmjen e sotme për situatën në Partinë Demokratike.

Rama tha se Sali Berisha ka qenë historikisht çelësi ndërsa Lulzim Basha ka qenë brava, ndërsa tashmë që të dyja janë ndryshuar, komunikimi mes tyre është vështirësuar.

“Që ta bësh Ramën që të iki para kohës kur të ikë vetë, nuk e zgjidh as me bravën pa çelës e as me çelësin pa bravë. Aty situata është shumë qesharake, nuk udhëheq më arsyeja, por udhëheq marrëzia si një përpjekje ekstreme për të kontrolluar të tashmen.  Brava dhe çelësi nuk ka bashkëpunim. Basha është brava që nuk hapet, ndërsa ai tjetri është çelësi që nuk hap. Marrëzia këtu mund të shkojë edhe me dajak. A është legjitimimi i lidershipit?

Krizën e shkakton fakti që asnjëri dhe as tjetri nuk kanë legjitimitet politik. Të dy ata thotë se kanë 95%. Të dy palët janë futur në këtë betejë thjesht dhe vetëm për zhbërë tjetrin. Por asnjëri dhe as tjetri nuk kanë legjitimitetin moral” – tha Rama.