Pas lajmit që ditën e hënë dhe të martë salla e operacioneve do të jetë e mbyllur, ka reaguar dhe Spitali i Traumës. Në një deklaratë zyrtare, institucioni spitalor thotë se sa i takon procesit të dezinfektimit, në ambientet e disa prej sallave kirurgjikale të spitalit do të kryhet në ditët e ardhshme procesi i dezinfektimit rutinë.
“Kjo është një procedurë periodike që kryhet për sallat operatore dhe që nuk cënon aspak shërbimin e urgjencës kirurgjikale, blloku operator i të cilës, është në gatishmëri e në funksion të plotë 24/7 për shërbimet ndaj pacientëve”, thuhet në deklaratë.
Discussion about this post