Samir Mane, Salillari/ Bardhi i përmend Ramës “shokët oligarkë”

Deputeti demokrat Gazment Bardhi u përjashtua nga seanca plenare pasi një debati të ashpër me kryeministrin Edi Rama.

Debati nisi lidhur me kandidaturën e Avokatit të Popullit të mbështetur nga PD, për të cilin kryeministri Edi Rama tha se PS nuk do ta votojë. Nga ana tjetër, PD shprehu mosdakordësinë me propozimin e mbështetur nga PS, për të zgjedhur Ardian Dovoranin anëtar të Gjykatës Kushtetuese.

“…U ankuam për tentativën që të ktheni GJK në degën tuaj. Po ta përsëris, ndoshta e kanë bërë pa dijeninë tënde, por drejtuesit më të lartë të PS jo vetëm që kanë kërkuar votë për Dvoranin. Kanë angazhuar oligarkë dhe mafiozë. Zamir Manen psh. Salillarin. Ja po ta jap shembullin”, i tha Bardhi-Ramës.

Debati

“Samir mane, shoku jot, Sallillari shoku jot”, i tha Bardhi-Ramës, ndërsa mes tyre vijoi një ‘debat i zjarrtë’, deri në momentin që drejtuesja e seancës Ermonela Felaj vendosi përjashtimin e Bardhit.

Edi Rama: Palaço cirku

Gazment Bardhi: Palaço je vetë

Ermonela Felaj: Vetëpërmbahuni në diskutime, mos flisni nga vendi

Edi Rama: Shani dhe akuzoni njerëz, cilën qetësi humba, kollaj është ti thuash qe je mafioz dhe kërcënon njerëz dhe s’ke asnjë provë

Gazment Bardhi: Je mafioz

Edi Rama: Për cilët emra duhet të përgjigjem palaço

Gazment Bardhi: Je legen mafioz

Edi Rama: Je në gjendje t’ia vësh figurën një cirku gënjeshtrash, akuzash dhe fantazish, s’ke turp

Gazment Bardhi: Ruaj qetësinë mafioz

Edi Rama: Nuk jam palco që të ruaj qetësinë kur më thonë të pavërteta.