Samiti i Berlinit në Tiranë, Rama konfirmon me emra pjesëmarrësit

Tirana do të presë Samitin e Procesit të Berlinit, event që po zhvillohet për herë të parë jashtë kufijve të Bashkimit Europian.

Kryeministri Edi Rama ka zbuluar sot disa prej emrave të liderëve europianë që marrin pjesë, ndër to presidenti i Francës, kancelari i Gjermanisë si dhe disa kryeministra të vendeve anëtare të BE.

Samiti i Procesit të Berlinit do të mbahet më 16 Tetor në kryeqytetin e Shqipërisë.

“Jemi në përgatitjet e fundit të një tjetër evenimenti të madh ndërkombëtar për Shqipërinë, Samiti i Liderëve të Procesit të Berlinit, i cili do të zhvillohet për herë të parë jashtë kufijve të BE-së, në Tiranë, me pjesëmarrjen e 6 kryeministrave të rajonit, ku kanë konfirmuar pjesëmarrjen Presidenti i Francës dhe Kancelari i Gjermanisë, Presidentja e Komisionit Europian, si edhe një sërë kryeministrash të vendeve anëtare të Bashkimit Europian.”