Ditën e sotme po mbahet takimi i radhës i Samitit të “Open Balkan” në Ohër të Maqedonisë së Veriut, ku ndryshe nga herët e tjera pjesëmarrës do të jetë edhe Mali i Zi. Kryeministri malazez Dritan Abazovic ka publikuar disa foto në Tëitter nën shoqërinë e kryeministrit shqiptar Edi Rama, si dhe ambasadorit amerikan në Beograd Christofer Hill.
Abazovic ka shkruar se ka pasur një bisedë të këndshme me Ramën dhe theksoi se të gjithë partnerët më të rëndësishëm të politikës së jashtme ndodhen në Ohër.
“Në OpenBalkan, bisedë e këndshme me kryeministrin Edi Rama dhe ambasadorin Christopher Hill. Të gjithë partnerët tanë më të rëndësishëm të politikës së jashtme janë këtu” – ka shkruar Abazovic.
Open Balkan” është nisma për bashkëpunimin rajonal mes Serbisë, Shqipërisë dhe Maqedonisë së Veriut, e cila lindi më tetor të vitit 2019. Fillimisht e pagëzuar si “Mini Schengen”, nisma ka si qëllim lëvizjen e lirë të kapitalit, mallrave, shërbimeve dhe njerëzve midis tri vendeve. Por që prej korrikut të këtij vitit, në Forumin për Bashkëpunim Ekonomik Rajonal në Shkup, nisma ka marrë emrin e ri, “Ballkani i Hapur”. Deri më tani duket se Mali i Zi do të jetë dhe vendi i radhës që pritet t’i bashkohet nismës, pasi sinjalet e para janë dhënë si nga kryeministri shqiptar, Dritan Abazoviç. Nga Prishtina, kryeministri Albin Kurti pretendon se bashkëpunimi në rajon është detyrë e Procesit të Berlinit dhe se vendet nuk duhet që të diskutojnë pa pasur praninë e përfaqësive nga Bashkimi Europian.
Discussion about this post