Në “Vilën 30” në Tiranë ka nisur takimi informal i kryeministrit Edi Rama me liderët e Ballkanit Perëndimor, ndërsa i pranishëm është edhe komisioneri i Bashkimit Europian, Oliver Varhelyi.
Ndërkohë në takim ka mbërritur edhe kryeministrja e serbisë Ana Brnabiç dhe kryetarja e Këshillit të ministrave të Bosnjë Hercegovinës, Borjana Kristo.
Kryeministri Edi Rama, po pret sot në Tiranë, liderët e rajonit dhe komisionerin e BE-së për Zgjerimin dhe Fqinjësinë e Mirë, Oliver Varhelyi, në kuadër të përgatitjeve që po bëhen për Samitin e Procesit të Berlinit.
Procesi i Berlinit
Procesi i Berlinit u ndërmor në vitin 2014 me iniciativën e ish-kancelares gjermane, Angela Merkel, me qëllim të lidhjes dhe integrimit të vendeve të Ballkanit Perëndimor përpara se të anëtarësohen në Bashkimin Evropian. Procesi i Berlinit shërben si një platformë për bashkëpunimin e nivelit të lartë ndërmjet përfaqësuesve zyrtarë të nivelit të lartë të së ashtuquajturës Gjashtëshja e Ballkanit Perëndimor, e cila përbëhet nga Shqipëria, Bosnje e Hercegovina, Mali i Zi, Kosova, Maqedonia e Veriut dhe Serbia. Procesi përfshin edhe institucionet e BE-së, institucionet financiare ndërkombëtare dhe shoqërinë civile në rajon. Samiti i ardhshëm do të organizohet në Tiranë më 16 tetor 2023.
Discussion about this post