Samiti në Tiranë, masat ekstreme të sigurisë/ Ja si u ruajtën liderët

Samiti i Procesit të Berlinit që u mbajt në Tiranë është shoqëruar me masa të rrepta sigurie.

Sipas raportimeve, në terren u angazhuan rreth 2004 forca policore dhe të sigurisë, të përqëndruara kryesisht në bulevardin Dëshmorët e Kombit dhe në rrugët lidhëse me atë që u konsiderua si “perimetri i sigurisë”.

Perimetri i sigurisë përfshinte zonën nga Bulevardi ‘Dëshmorët e Kombit’, Ura e Dajtit deri tek Sheshi Nënë Tereza ndërsa ishin 1604 efektivë policie dhe 400 punonjës të Gardës së Republikës.

Përtej barrierave metalike që u vendosën në disa nga akset, ku nuk lejohej qarkullimi i këmbësorëve dhe automjeteve, efektivë të shumtë policie, gardës dhe agjensive ligjzbatuese, u angazhuan për të garantuar mbarëvajtjen e Samitit.

I gjithë perimetri i sigurisë ngjasonte me një zonë të ndaluar, ku lejohej të hynin vetëm delegacionet e pranishme në Samkit apo personat e akredituar, ndërkohë që në lartësi ishin vendosur efektivë të Gardës së Republikës që vëzhgonin me dylbi situatën.

Fotot e mëposhtme tregojnë disa nga masat ekstreme të sigurisë që u aplikuan për të garantuar Samitin, që nisi në godinën me pritjet në godinën e Kryeministrisë dhe u përmbyll me inaugurimin e Piramidës, ish-muzeut të Enver Hoxhës, si Kolegj Europian.