Policia e Shtetit zhvilloi një konferencë për masat që do të ndërmerren në kuadër të Samitit të Procesit të Berlinit, që do të zhvillohet të hënën në Tiranë.
Nga nesër do të nisë rrethimi në rrugë në mënyrë që të ketë siguri për këtë event të madh, që do të zhvillohet për herë të parë jashtë kufijve të BE-së.
Zëvendës drejtori i Përgjithshëm i policisë, Sokol Bizhga ka prezantuar planin e masave.
Ai tha se “për garantimin dhe sigurinë e aktivitetit kemi bashkëpunuar me agjensitë e tjera të zbatimit të ligjit në vend dhe me organizma ndërkombëtare Europol për shkëmbimin e informacionit. Po bashkojmë me bashkinë e Tiranës, Autoritetin Portul të Rinasit, Policinë bashkiake, shërbimin zjarrfikës dhe qendrën spitalore të Tiranës. Për garantimin e sigurisë para dhe gjatë zhvillimit të aktivitetit, është parashikuar ky perimetër sigurie: Bulebardi “Dëshmorët e Kombit, Ura e Dajtit deri tek Sheshi Nënë Tereza.
Bulebardi Bajram Curri, nga kryqëzimi në rrugën e Elbasanit deri tek Kryqëzimi Rruga Ibrahim Rugova, rruga Papa Gjon Pali II, RTSH, stadium. Rruga Ismail Qemali deri tek rruga e Elbasanit”, theksoi mes të tjerash Bizhga..
Discussion about this post