Pas golit vendimtar ndaj Napolit, Daichi Kamada pushtoi zemrat e tifozëve të Lazios. Një gol që i shërbeu për t’u zhbllokuar si dhe larguar disa presione që ishin shtuare ndaj “sanmurait” veteran.
“Kur dëgjova historinë e negociatave të Lazios, ndjeva se ata më donin shumë dhe mbi të gjitha faktin që Maurizio Sarri ishte në krye, një trajner si ai rrallë mund të gjendet, nuk kisha asnjë dyshim [se duhej të shkoja te Lazio]”, tha japonezi për revistën “Sports Graphic Number Web”.
“Kam gjetur një shtëpi vërtet të bukur dhe tashmë po jetoj atje – theksoi Kamada – Këtu është mjedisi i duhur për t’u përqëndruar vetëm në futboll dhe për të lënë mënjanë gjithçka tjetër”.
“Nuk di ende italisht – vazhdoi Kamada – prandaj më duket sikur po studioj si 1 autodidakt”. “Kur jam në fushë, e kuptoj nga ndjesia në lëkurën time – shtoi ai, duke shpjeguar ndjesitë e para të tij me Serinë A – M’u desh pak më shumë nga sa prisja, kështu që mendoj se duhet të bëj çfarë të mundem ”.
“Kam kaluar gjashtë sezone në Frankfurt. Kam mësuar shumë, por tani që jam në një vend të ri dhe duke luajtur futboll, ndihem sikur po mësoj gjëra të reja nga e para .”- përfundoi japonezi.
Discussion about this post