Aktori i njohur kanadez Keanu Reeves dhe aktorja Sandra Bullock, fillimisht u takuan me njëri-tjetrin në xhrimet e filmit “Speed” në vitit 1994 dhe kanë mbetur miq të ngushtë që atëherë.
Ndërkohë që ka folur për miqësinë e tyre, Sandra tregoi detaje nga një gjest romantik që Keanu ka bërë për të.
Bukuroshja ka treguar se një vit pasi filmi “Speed” u publikua, gjatë kohës që ajo po shoqërohej me aktorin dhe po bisedonin ajo i kishte thënë se nuk kishte pirë kurrë shampanjë dhe nuk kishte provuar kurrë tartuf.
Dhe vetëm pak ditë më vonë, Keanu shkoi në shtëpinë e saj me motoçikletë dhe në dorë mbante një tufë me lule, shampanjën dhe tartufët ndërkohë që i kishte thënë asaj se:
“Thjesht mendova se do të kishte dëshirë të provoje shampanjën dhe tartufët, për të parë se si janë.”
Bullock ka shpjeguar mënyrën e veçantë që Keanu kishte kur tregonte diçka ose kur i dëgjonte të tjerët me shumë kujdes.
“Kur e takova për herë të parë, kaloja aq kohë me të vetëm për t’u ndjerë rehat. Sa më shumë që kam qëndruar, aq më e qetë isha dhe mendova: Nuk e kuptoj se çfarë po ndodh. Ai po më shikon me sy tjetër dhe është i qetë për këtë. A thashë diçka që e ofendoi? Më pas, një ose dy ditë më vonë, ai vinte me një shënim ose një pako të vogël, duke thënë: Po mendoja për atë që the. Ai sigurisht e kishte përgjigjen e tij.”
E ndërsa mirësia e Keanu-s mund të duket edhe si gjest romantik, Sandra thotë se ata nuk ishin kurrë çift sepse kjo mund që edhe t’u kishte prishur miqësinë.
Discussion about this post