Departamenti Amerikan i Thesarit goditi Luftar Hysën dhe familjarët e tij, duke i sanksionuar me dyshimin dyshime se pastronin paratë e kartelit meksikan të drogës “Sinaloa”, një pjesë e të cilave mund të kenë përfunduar edhe në Shqipëri. SPAK, në përgjigje të interesit të “Ora News”, nëse ka nisur një hetim pasuror, tha se në këtë fazë nuk ka asgjë për të komunikuar me publikun
Një vendim i Departamentit Amerikan të Thesarit më 13 Nëntor të këtij viti që sanksionoi Luftar Hysën, familjarët e tij dhe bizneset e lidhura me ta me akuza se kanë pastruar paratë e kartelit të drogës Sinaloa, shfaqi qartë pa hije personazhin që mes Amerikës së largët e Shqipërisë shfaqej si investitor.
Në thelb, vendimi i Thesarit e deklaron Luftar Hysën dhe familjarët e tij “Non Grata” dhe i bllokon asetet duke goditur rrjedhën financiare ndërkombëtare të supozuar të grupit, në veprimtarinë e dyshuar të pastrimit të parave të drogës një pjesë e të cilave mendohet se mund të jetë investuar edhe në Shqipëri.
“Ora News” iu drejtua Prokurorisë së Posaçme për të pyetur nëse kjo Strukturë ka nisur një hetim pasuror ndaj Luftar Hysës dhe familjarëve të tij pas vendimit të Autoriteteve Amerikane
Në përgjigje zyrtare, SPAK bëri të ditur se në këtë fazë nuk ka asgjë për të komunikuar.
Veç luftar Hysës, Departamenti Amerikan i Thesarit sanksionoi edhe disa anëtarë të tjerë të familjes me origjinë shqiptarë me veprimtari mes Kanadasë e Meksikës, mes të cilëve Arben, Ramiz, Fatos dhe Fabjon Hysën dhe një numër kompanish të lidhura me ta, me akuzën se përdornin kazinotë, restorantet dhe bizneset e tyre në Meksikë si fasade për të pastruar paratë e kartelit të drogës Sinaloa.
Sipas autoriteteve amerikane, vëllezërit Hysa dhe nipi i tyre kanë bashkëpunuar me një shtetas amerikan në skema pastrimi parash, përfshirë transportimin e shumave të mëdha të të ardhurave në cash nga Meksika drejt SHBA, ku kompania e partnerit amerikan është përdorur për pastrimin e fondeve.
Karteli Sinaloa është një nga organizatat më të mëdha dhe më të rrezikshme të trafikut të drogës në botë i krijuar në vitet ’80-të dhe që u bë i njohur ndërkombëtarisht për prodhimin dhe trafikun e kokainës, heroinës, metamfetaminës dhe marihuanës drejt SHBA-ve dhe më tej.
Lideri më i famshëm ka qenë Joaquín “El Chapo” Guzmán, i cili tani është i dënuar me burgim të përjetshëm në SHBA.
Karteli përdor rrjete kriminale, korrupsion dhe dhunë për të ruajtur territorin dhe aktivitetet e tij.
Discussion about this post