Rey Manaj është rikthyer nga dëmtimi në mënyrën më të mirë të mundshme, duke gjetur dy herë rrugën e rrjetës.
Në minutën e 43’ të takimit me Hatayspor, sulmuesi i Kombëtares shqiptare tundi rrjetën me anë të një goditjeje me kokë.
Ndërsa realizoi në mënutën e 43’, Rey Manaj gjeti sërish rrugën drej rrjetës në minutën e 73’, por këtë herë shënoi me penallti për ekipin e tij të Sivasspor.
Manaj u dëmtua në ndeshjen me Gaziantep, duke lënë fushën në minutën e 42’ pasi kishte shënuar, duke munguar tre ndeshje me skuadrën e tij turke, i cili gjithashtu nuk ishte i pranishëm për duelet e Shqipërisë me Republikën Çeke dhe Gjeorgjinë.
Ky është goli i tretë i 27-vjeçarit këtë sezon, i cili është rikthyer për të qenë protagonist me skuadrën e tij.
Ky është një lajm i mirë për trajnerin Sylvinho dhe stafin e Kombëtares shqiptare, pasi Manaj kthehet i gatshmëm dhe pritet të jetë i grumbulluar për sfidat e nëntorit.
Discussion about this post