Sara Hoxha pjesë e ekranit? Ja në çfarë emisioni do të marrë pjesë

Partnerja bukuroshe e Ledri Vulës, Sara Hoxha do të jetë një ndër konkurrentet e “Dancing With the Stars”. Lajmi është konfirmuar nga vetë faqja zyrtare e spektaklit në rrjetin social Instagram.

“Gati për të thyer rrjetin me kërcimet e saj, Sara Hoxha, influencer, nis rrugëtimin në #DWTS”, shkruhet në postim. Kjo do të jetë hera e parë që do ta shohim Sarën kaq shumë të përfshirë në ekran, pasi bukuroshja ka qenë gjithmonë shumë e rezervuar dhe në intervista.

Emisioni i kërcimit “Dancing With the Stars” do të fillojë në Tetor me moderatore Bora Zemanin. Në rrjet është përfolur se ajo do të ketë si bashkëprezantues partnerin e saj, Donald Veshajn, por lajmi nuk është konfirmuar ende.