Mjafton një foto me barkun paksa të rrumbullakosur e një personazhi publik që njerëzit të fillojnë të aludojnë për shtatzëni. Kështu ka ndodhur edhe me blogurën e njohur Sarah Berisha e cila edhe pse ka deklaruar se plane të tilla janë të largëta kohët e fundit është përfolur disa herë se është në pritje të ëmbël.
Rreth këtyre thashethemeve që po qarkullojnë në rrjet ka reaguar vetë Sarah mbrëmjen e djeshme e ftuar në emisionin “Natë me Aulonën”, e cila ka deklaruar se thjesht i pëlqen të hajë, por nuk është shtatzënë.
“Nuk e di çfarë kanë me mua. Jam shëndoshur se më hahet. Jo nuk kam qenë dhe nuk jam shtatzënë. Është shumë shpejt”.
Kujtojmë se, Sarah Berisha dhe Pajtim Krasniqi janë një nga çiftet e formuara brenda shtëpisë së “Big Brother Vip” më të përfolur në rrjet. Lidhja e tyre në fillim edhe pse u pa me një skepticizëm të madh nga publiku, i ka mbijetuar të gjitha thashethemeve dhe të dy duken shumë të lumtur bashkë.
Discussion about this post