Sarah Berisha dhe DJ PM, emri i vërtetë i të cilit është Pajtim Krasniqi edhe pas daljes nga “Big Brother Vip” vijojnë të jenë një nga çiftet më të komentuara në media. Pavarësisht se postojnë rrallë foto dhe video me njëri tjetrin, nuk mungojnë ngacmimet midis njëri-tjetrit në rrjetet sociale.
Së fundmi blogerja ka postuar një video në Instastory, ku shihet nën shoqërinë e Dj Pm. Duket se Sarah është bërë xheloze sepse ish-banori i BBV do të shkojë në udhëtim me shokët e tij, dhe nuk ka nagurrar ta ndajë këtë gjë me ndjekësit e saj në Instagram.
“Pra ti po më thua që sot do të ikish në jug me çunat ë, bravo. Javës tjetër jam unë me gocat. Faleminderit!”- shprehet Sarah duke qeshur, duke ia kthyer kështu me “të njejtën monedhë.”
Sarah tha disa kohë më parë në një intervistë se është ende shumë herët që ajo dhe PM të marrin hapa seriozë për lidhjen e tyre. Teksa pranoi se edhe ata kanë problemet e tyre si çdo çift, Sarah u shpreh se nuk kanë diskutuar për të ardhmen dhe se është e largët kjo pjesë.
“Lidhja ka luhatjet e veta. Një herë zihemi një herë jemi shumë mirë. Ka ditë që nuk flasim për disa orë. Kalojmë shumë kohë bashkë. Nuk e kemi ndjerë distancën sepse ai ka ardhur shpesh në Tiranë edhe unë kam shkuar në Prishtinë. PM më ka prezantuar me gjithë rrethin e tij shoqëror dhe kam raporte shumë të mira me të gjithë. Mendoj se lidhja jonë ka nisur pas Big Brother. Kemi rreth 2 muaj që po përjetojmë lidhjen jashtë kamerave dhe është herët për të folur për bashkëjetesë, fejesë, martesë. Nuk i kemi diskutuar dhe është shumë e largët kjo pjesa.”-tha Sarah në një intervistë për ‘Prive’.
Discussion about this post