Sarandë/ Dënohet me 2 vite burg biznesmeni, i sekuestrohet pallati 7 kate

Një biznesmen nga Saranda është dënuar me dy vite burg pasi ndërtoi pa leje një pallat 7 kate.

Sipas gjykatës bëhet fjalë për 68-vjeçarin Pando Papuçi, dhe si pasoj e shkeljes i është sekuestruar dhe ndërtesa që po ndërtohej.

Njoftimi:

Gjykata e Shkallës së Parë e Juridiksionit të Përgjithshëm Sarandë, informon sa më poshtë:

Prokuroria pranë Gjykatës së Shkallës së Parë të Juridiksionit të Përgjithshëm Sarandë (në vijim Prokuroria Sarandë) ka paraqitur pranë Gjykatës kërkesën me objekt: “Dërgimin e çështjes në gjyq të procedimit penal nr.774 të vitit 2021 në ngarkim të të pandehurit:
Pando Papuçi dhe personit juridik “2P-SJ”, me ortak të vetëm dhe administrator shtetasin Pando Papuçi, të akuzuar për kryerjen e veprës penale “Ndërtimi i paligjshëm”, për qëllime fitimi, parashikuar nga neni 199/a/4 i Kodit Penal.