Sarandë/ Po vizitonte Butrintin me guidën e të huajve, humb jetën turisti

Një turist i huaj, i ndodhur si pjesë e një grupi turistësh për të vizituar Butrintin, ka humbur jeten. Fillimisht ai ka deklaruar se nuk është ndjerë mirë nga ana shëndetësore. Nisur nga ky shqetësim është njoftuar menjëherë ambulanca e Spitalit të Sarandës. Mësohet se gjatë rrugës për në spital, turisti është përkeqësuar më tepër dhe për rrjedhojë ka humbur jetën.

Sipas bluzave të bardha, dyshohet për një atak kardiak, që ndoshta mund të ketë ardhur edhe nga temperatura e lartë.

Trupi i tij ndodhet në morgun e spitalit dhe do të dërgohet për në Institutin e Mjekësisë Ligjore në Tiranë, për ëkspertizë mjeko-ligjore, për të zbuluar edhe shkaqet e vdekjes.

“Sot, në vendin e quajtur “Kalaja e Butrintit”, gjatë një vizite turistike, dyshohet se ka ndërruar jetë për shkaqe natyrale shtetasi gjerman G. Y., rreth 75 vjeç. Grupi hetimor po punon për sqarimin e plotë të rrethanave të rastit”, njoftoi policia;