“Telenovela Mbappe”, edhe pse tani e ka një lloj verdikti, vazhdon që të jetë një temë e nxehtë në futbollin botëror. Në lidhje me futbollistin ka dhënë mendimin e tij edhe një figurë e njohur në politikën franceze e botërore si Nikolas Sarkozy.
Ish-lideri francez, i njohur gjithashtu si një tifoz i flaktë i PSG-së, pranoi se ishte i lumtur që Kylian Mbappe mbeti në klub. Sarkozy vuri në dukje se presidenti i PSG-së Nasser Al-Khelaifi së shpejti do të flasë për të ardhmen e futbollistit.
“Jam i lumtur që Kylian Mbappe qëndroi. Mendoj se ai mori vendimin e duhur për veten, për klubin dhe për ekipin francez. Unë mendoj se Nasser së shpejti do të bëjë një deklaratë për këtë, mbyllja e merkatos është afër”, citon fjalët e ish-presidentit Le Parisien.
Sarkozy vuri në dukje kontributin e Al-Khelaifit te PSG:
“Ai ka bërë një punë fenomenale në klub. Unë kam shkuar në Parc des Princes që kur isha i ri, tani jam 68 vjeç, por ende më pëlqen të shkoj në stadium”.
Discussion about this post