Drejtori i Sassuolo, Giovanni Carnevali ka paralajmëruar Juventusin se ata do të mbajnë Manuel Locatelli nëse ‘nuk ka një propozim adekuat’ për të.
Lojtari italian e ka bërë të qartë se ai dëshiron të bashkohet me Juve, duke refuzuar Arsenalin pavarësisht se skuadra e Premier League ofron 40 milionë euro plus bonuse për të.
Kjo është shumë më tepër sesa ‘Bardhezinjtë’ ofrojnë, për një hua dyvjeçare me mundësi blerjeje për një total prej rreth 30 milionë euro plus bonuse dhe një përqindje të çdo pagese të ardhshme transferimi.
Përpara një takimi tjetër të madh të caktuar për këtë javë, drejtori i Sassuolo Carnevali paralajmëroi se ata nuk ishin në nxitim për të hequr qafe Locatelli.
“Ne jemi duke pritur për një propozim adekuat, përndryshe Locatelli do të mbetet në Sassuolo,”-tha Carnevali për ‘La Gazzetta dello Sport.’
“Ne do të mbyllim tregun tonë të transferimeve në ditët e para të gushtit.”-shtoi ndër të tjera.
Afati është caktuar, presioni tani është i gjithi mbi klubin e Juves, pasi Locatelli duhet të kthehet në stërvitje të hënën, pasi ndihmoi Italinë të fitojë ‘EURO 2020’.
Sassuolo është një nga klubet më të qëndrueshme financiarisht në Serie A, kështu që nuk kanë asnjë arsye për të shitur një nga lojtarët e tyre më të mirë për pak gjë./Gijotina.com
