Në tetor të vitit 2021, kryeministri Edi Rama deklaroi nga foltorja e Kuvendit të Shqipërisë se: “Do çojmë dhe satelitë në orbitë. Qeshni, qeshni. Kur të shikoni satelitët Shqipëria në orbitë dhe jo në mandatin tjetër. Vitin tjetër. Albania 1 dhe Albania 2”.
Kryeministri vendosi si afat muajin mars 2022 për dërgimin e satelitëve, por ky premtim nuk u mbajt. Atij i erdhi në ndihmë Niko Peleshi, i cili në datën 7 prill të këtij viti firmosi një tender të majmë për dërgimin e satelitëve të Ramës.
Në atë kohë, BoldneWs.al raportoi për hapjen e tenderit, i cili në fakt nuk bënte fjalë për satelitë, por për monitorimin 3 vjeçar të territorit. Por, disa javë pas hapjes së këtyre procedurave, Ministria e Mbrojtjes ka njoftuar se procedura është anuluar. Një “njollë” e rëndë në kurriz të Peleshit, i cili nuk ka bindur asnjë firmë shqiptare apo të huaj që të marrë pjesë në këtë procedurë, për t’i plotësuar qokën kryeministrit. Ose Peleshi ka treguar origjinën e tij, duke anuluar të parën për të rritur edhe fondin e akorduar.
Hapja e procedurave të këtij tenderi erdhi në një kohë që Ajencia Kombëtare e Mbrojtjes Civile, një agjenci në varësi direkte të Peleshit dhe Ramës, e drejtuar na ish-kryepolici Haki Çako, është vënë nën akuzë për helikopterët. Ku nga 6 të tillë, ka vetëm 1 në gjendje pune.
Por, kësaj herë, Peleshi apo Çako duhet të japin llogari te Rama, i cili nuk do t’ia dijë sa hektarë pyje apo ullinj digjen, por interesohet për satelitët e tij. Por, nëse kanë dështuar këtë kohë, a mos ndoshta Rama po ligjëron mbjelljen në masë të hashashit?
Duke u ndalur te tenderi, sipas dokumenteve që disponon BoldneWs.al, Agjencia Kombëtare e Mbrojtjes Civile ka njoftuar anulimin e procedurës “dialog konkurrues – prokurim në fushën e mbrojtjes dhe të sigurisë”. Objekti i kontratës është “realizimi i projektit të monitorimit të territorit me teknologji të avancuar (shërbimi satelitor), për një periudhë 3 vjeçare”, i cili kishte një fond limit 671.760.000 lekë pa TVSH, ose me TVSH 7.2 milionë USD.
“Arsyet e Anulimit janë bazuar në ligjin nNr. 36/2020 ‘për prokurimet në fushën e mbrojtjes dhe të sigurisë’, pasi asnjë nga ofertat e paraqitura nuk përputhet me kriteret e përcaktuara në dokumentet e tenderit”, thuhet në këtë dokument. Njoftimi është bërë në datën 20.06.2022.
Denoncimi i Boldneës dhe dokumentet e atëhershme
Në muajin prill 2022, Boldneës.al publikoi dokumentet e tenderit të hapur nga Peleshi për monitorimin e territorit. Por, nuk bëhej fjalë për satelitë, por për monitorimin 3 vjeçar të hapësirës. Satelitët “Albania 1” dhe “Albania 2” u zëvendësuan nga “monitorimi i territorit” nga orbita.
Në fakt, kryeministri Rama bëri disa deklarata se në muajin mars Shqipëria do të niste satelitët, por Peleshi hapi tendering në prill. Në atë kohë Agjencia e Mbrojtjes Civile shkruante se kohëzgjatja e kontratës ose afati kohor për ekzekutimin ishte 36 muaj ose për 3 vite duke filluar nga lidhja e kontratës, ndërsa për tekat e kryeministrit shqiptarët do të paguanin një shumë plot 7.2 milionë USD.
Nga BoldneWs.al
Discussion about this post