Deputeti i Partisë Demokratike Ervin Salianji kërkon hetim dhe ndëshkim penal për përgjegjësit e situatës së sotme me zjarret, duke akuzuar kryeministrin Edi Rama se përdor avion personal për arsye familjare.
Në një postim në “Facebook” Salianji shkruan se ka kërkuar informacion në nëntor të vitit të kaluar për buxhetin që duhej për t’ia dalë në situata zjarresh dhe se qeveria u përgjigj se mjaftonin për të zgjidhur çdo situatë dhe se ka marrë çdo masë!
“Në nëntor të vitit 2021 e kam pyetur Ministrin e Mbrojtjes në komision nëse buxheti që kërkonin ishte i mjaftueshëm për t’ia dalë këtë vit në situata të mundshme zjarresh. Pyetjet për ministrin dhe qeverinë e tij ishin këto: “Nuk është aty ku duhet gjendja e helikopterëve, gjithë specialistët më thonë ne Shqipëria nuk ngre dot në ajër asnjë helikopter, dini gjë ju si është gjendja e operacionalitetit të tyre? Paratë e taksave të shqiptarëve shpërdorohen pa pasur përgjegjësi askush! A do vijë helikopteri i blerë për një viti e gjysmë që ndodhet në Itali. A paguhet për parkimin e tij atje? A i keni adresuar drejt fondet e buxhetit në raport me nevojat e forcave të armatosura. Në Zall Herr akoma rrinë nëpër çadra, ndërkohë që harxhohen 5 mln euro për të bërë një muze që sot nuk është funksional”. Qeveria u përgjigj se mjaftonin për të zgjidhur çdo situatë dhe se ka marrë çdo masë! Sot kur zjarri po shkrumbon Sazanin dhe qeveria vetëm e sheh nga larg duke shpërfaqur gjithë paaftësinë e saj për zgjidhje dhe ndihmë, përgjegjësia për ato deklarata të papërgjegjshme është e qartë. Sot përgjegjësia nuk është vetëm politike dhe morale, por është shpërdorim që duhet hetuar dhe ndëshkuar penalisht! Sot qytetarët shohin se si Kryeministri përdor si avion personal vetëm për salltanetet familjare dhe qejfe personale!”, shkruan Salianji.
Sipas tij, sot kur zjarri po shkrumbon Sazanin dhe qeveria vetëm e sheh nga larg duke shpërfaqur gjithë paaftësinë e saj për zgjidhje dhe ndihmë, përgjegjësia për ato deklarata të papërgjegjshme është e qartë.
Discussion about this post