Lionel Messi deklaroi se ai i Katarit do të ishte Botërori i fundit për të.
Në fakt, “pleshti” mund ta mbyllë me nder karrierën e tij në Kupat e Botës teksa ia ka dalë të vendosë rekorde të shumta, të shndërrohet në golashënuesin më të mirë për Argjentinën, por më e rëndësishmja, ia doli të ngrejë lart trofeun.
Megjithatë, në kombëtare shpresojnë që pavarësisht moshës, Leo Messin ta kenë në skuadër edhe për Botërorin e vitit 2026.
Është trajneri Lionel Scaloni që së fundmi i bën një ftesë 35-vjeçarit për të rishikuar vendimin e tij.
“Të kesh në skuadër një si Messi është luks, unë shpresoj shumë që ai të mos ketë luajtur Botërorin e fundit. Mbetet për t’u parë nëse do të vazhdojë, por ne nuk i humbasim shpresat. Unë do t’ia mbaj një vend për në Botërorin e radhës, ai e ka fituar të drejtën për të zgjedhur të ardhmen. Për mua ishte një kënaqësi fakti që mund të trajnoja Lionel Messi”, u shpreh Scaloni.
Discussion about this post