Argjentina nuk ia doli dot që të mbronte statusin e kampiones në fuqi, pasi u mposht në finale nga Spanja me rezultatin 0-1. Sigurisht, një disfatë që dhemb për “Albicelestet” e sidomos për trajnerin Lionel Scaloni i cili u shfaq i prekur në konferencën për shtyp të dhënë pas ndeshjes.
Megjithatë, edhe pse me “lot” në sy për shkak të mënyrën se si rrodhi ndeshja, por edhe për faktin se Argjentina e tij i rezistoi goxha presionit të rivalit në fushë, Scaloni nuk fshihet, madje duke përgëzuar kundërshtarin në fushë dhe mbrojtur të tijët.
“Jam vërtet i trishtuar, por mbi të gjitha, gëzoj mirënjohje të përjetshme për këta djem. Të arrish deri këtu është tepër e vështirë. Duhet të ndihemi të mëdhenj, si në fitore ashtu edhe në humbje e të kujtojmë atë që arritëm. Dhamë gjithçka.
Ata (i referohet Spanjës) ishin më të mirë sot për të qenë i sinqertë, por jam i kënaqur për atë çfarë bëmë. I pranojmë gjërat si shkuan. Një falenderim shkon për tifozët, lojtarët e mi dhe t’i themi vendit se dhamë gjithçkja”, është shprehur Scaloni.
Discussion about this post