Scholz shfaqet me sy të maskuar si pirat: Po pres memet!

U rrëzua duke vrapuar, por kancelari Olaf Scholz e ka marrë me sportivitet incidentin.

Kreu i ekzekutivit gjerman postoi një foto të vetën ku shihej me njërin sy të mbuluar nga copë e zezë në stil pirati dhe disa mavijosje të errëta në anën e djathtë të fytyrës, që ishin rezultat i rrëzimit.

“Mezi po pres të shoh memet”, ka shkruar Scholz duke parapritë kështu talljet që bëhen të famshme në internet. Si për ta shmangur çdo shqetësim të mundshëm për shëndetin e tij, në foto Scholz buzëqeshi lehtë dhe shkroi në rrjetin social X: “Faleminderit për urimet, duket më keq se sa është!”. Rrëzimi gjatë fundjavës e detyroi kancelarin të anulonte disa takime të planifikuara këto ditë. Kjo nuk e pengoi megjithatë t`i rikthehej debatit mbi energjinë bërthamore përmes një interviste dhënë për Deutschlandfunk.