Kancelari gjerman, Olaf Scholz, ka bërë një thirrje të rëndësishme sot për BE-në nga Prishtina. Gjatë fjalës së tij në një konferencë për mediat, ai tha se çështja e liberalizimit të vizave për Kosovën duhet të shkojë përpara. “Takimi i dytë pas një muaji tregon sa të ngushta janë marrëdhëniet tona bilaterale… Çështja e liberalizimi i vizave duhet të shkojë përpara dhe kjo duhet pasur parasysh.”, tha ai.
Kancelari gjerman foli edhe për dialogun Kosovë-Serbi, duke thënë se është shumë i rëndësishëm, ndërsa kërkoi nga të dyja palët zotim të qartë dhe konstruktivitet. Ai tha po ashtu se marrëveshja përfundimtare ndërmjet Kosovës dhe Serbisë duhet të zgjidh edhe çështjen e njohjes së Kosovës. “Kosova dhe Serbia përmes një marrëveshjes gjithëpërfshirëse të gjejnë një zgjidhje politike. Dialogu është rruga që i hap Kosovës perspektivën evropiane…E qartë është që marrëveshja duhet të zgjidh çështjen e njohjes së Kosovës”, tha ai. Ndërsa siguroi që Gjermania do të mbështesë Kosovën në këtë rrugëtim.
Discussion about this post