Si do të ndiheshit duke veshur një byzylyk të bërë nga goma e Ferrari F310B legjendar të Michael Schumacher. I cili mbetet ende në koma.
Nga njëra anë karriera e pabesueshme legjendare e një super atleti dhe nga ana tjetër, teksa ai është në vështirësi të përhershme, shesin gjithçka që lidhet me të, duke fituar shumë para.
Si do të ndihen blerësit e këtij byzylyku, i cili shitet me një çmim të pabesueshëm?
Çmimi i Madh i Italisë i vitit 1996 ishte një garë historike për Michael Schumacher dhe Scuderia Ferrari, pasi legjenda gjermane mori flamurin me kuadrate në garën në shtëpi të ekipit pas një mungese 8-vjeçare.
Fondacioni i familjes Schumacher i quajtur ‘Keep Fighting’ ka hyrë në një marrëveshje me kompaninë e prodhimit të bizhuterive, Mongrip, për të lançuar një aksesor të ri të quajtur MZ96
Sigurisht që është një edicion i kufizuar, me vetëm 91 copë në dispozicion. Të gjitha ishin bërë nga një prej gomave të pasme Goodyear që Schumacher kishte në Ferrarin e tij në atë garë historike në Monza.
Fakti që konstruksioni është prej gome që përfundoi në Çmimin e Madh të Italisë dhe jo askund tjetër e bën byzylykun edhe më të koleksionueshëm dhe të veçantë. Jo të gjithë do të ishin njëlloj të interesuar, nëse nuk do të ishte goma që ka shkelur në “Tempullin e Shpejtësisë”.
Dizajni i tij është minimal dhe sipërfaqja e tij është e lëmuar. Sipas Mongrip, kapësja dekorative është platini, ndërsa dallohen dizenjot e gdhendura, si dragoi – markë e helmetave të Schumacher -it – dhe shtatë diamantet e rrumbullakëta, aq sa kampionatet e legjendës së Formula 1.
Byzylyku i parë MZ96 i prodhuar ndonjëherë u vu në ankand së fundmi në Bonhams për 30,000 €.
Çmimi i tyre më në fund arriti në 9600 euro për shtatë të parat në dispozicion.
Discussion about this post