Një ditë pas krimit të dyfishtë që tronditi Divjakën, familjarët e dy viktimave Hekuran dhe Fëllënxe Rrasa kanë zbardhur detaje tronditëse të ngjarjes. Në një prononcim për mediat ata kanë treguar se çifti Rrasa jetonin në kushtet e vështira ekonomike, ndërsa shtojnë se kjo ishte diçka që nuk e prisnin.
Një e afërme mes dhimbjesh ka treguar e prekur se më shumë i vjen keq për 45-vjeçaren sesa për kryefamiljarin. Ajo shton se e ndjera kishte mbajtur vjehrrën për një vit e gjysmë në shtrat dhe ishte përkujdesur për të.
“Më shumë më dhimbset ajo se ai. Pati vjehrrën deri tani, një vit e gjysëm e mbajti në dyshek dhe e kishte xixë. Unë them nga fukarallëku. Ne na tha çuni, e kishte parë në internet. E kam vëllanë e kunatës. Burrat vëllezër. Zonja nuk punonte. Kishte lopë, merrej me blegtori”, është shprehur familjarja.
Sakaq një tjetër ka treguar një detaj që mund të hedhë dritë mbi zbardhjen e plotë të kësaj ngjarjeje, pasi sipas familjarit të Hekuranit: Kjo ishte gruaja e dytë, njërën e la ai…më duket se e ka lënë me dy djem, ajo s’është martuar më pas atij.
Të tronditur nga ngjarja ata gjithashtu janë shprehur se nuk kishin dijeni për armën që Hekuran Rrasa mbante në shtëpi, arma që shtoi në listën e krimeve gjakftohta shqiptare edhe dy viktima të tjerë. / A.L gijotina.com /
