Ish-kryeministri Sali Berisha në kuadër të garës për kreun e PD-së është ndalur sot në qytetin e Durrësit. Gjatë takimit me demokratët e Durrësit Berisha u shpreh i bindur se do arrijë të rikthejë fitoren në anën e PD-së. Ai theksoi se është momenti për të hedhur poshtë padrejtësitë nga ana e qeverisë së Ramës për të mos qenë më një lodër në duart e tij.
“Ne vijmë sot në Durrës pas një udhëtimi të vështirë, plot pengesa, unik në historinë e Europës. Në një moment të dhënë të caktuar ne ndërmorrëm udhëtimin tonë për t’u rikthyer tek vlerat tona parimet tona, për të ngritur në këmbë forcën tonë politike e cila kalonte nga disfata në disfatë. Në fillim të kësaj të lëvizje askush nuk e parashikonte që do ishim një forcë me 40 mijë anëtarë.
Një ushtri e vërtetë idealistësh, misionarësh, burra dhe djem të një autoriteti të veçantë të cilët u përballën me çdo lloj vështirësie. Unë jam dëshmitar i trysnive shantazheve të një klientele private që e u shndërrua në segmente të mafias qeveritare. Të gjitha këto nuk na penguan.”-u shpreh Berisha.
Discussion about this post