Kryetari i Partisë së Lirisë, Ilir Meta është pyetur nëse do të bëjë një koalicion me ish-kryeministrin Sali Berisha për të hyrë në zgjedhjet e ardhshme vendore. Ish-Presidenti Meta duket se e ka pohuar duke u shprehur se do të bëjë gjithçka që opozita të ketë kandidatët më të mirë për të gjitha bashkitë e vendit.
I ftuar në emisionin RTSH, Meta komentoi edhe nismën për hartimin e një reforme të re territoriale për të cilën deklaroi se nuk beson që të ketë një ndarje. Sipas tij, maxhoranca do të vijojë me qëndrimet e saj.
Pyetje: Do krijoni sërish koalicion me Berishën?
Meta: Do bëhet çdo gjë që opozita të ketë kandidatët më të mirë, për Tiranën, Shkodrën dhe gjithë bashkitë e vendit. Ky është disponimi edhe i ynë. Së dyti do gjenden formulat më të mira.
Pyetje: Shkojmë në një palë zgjedhje vendore, ku në shumë zona, ka grupe kriminale të fuqishme që sponsorizohen nga shteti. Si do e zgjidhni?
Meta: Unë mendoj që është një gjë që koha do e tregojë se do zgjidhet shumë më shpejt dhe thjesht. Ne do i qëndrojmë parimeve demokrtike, duhet të jemi të sinqertë me qytetarët. Qytetarët kanë humbur besimin. Le të marrim Durrësin. Jam i sigurt që me një punë të mirë dhe serioze, të gjitha këto qytete, që janë të qytetarisë, arsyes dhe tolerancës, do japin mesazhe shumë më të forta.
Pyetje: Mirë këto bandat, por për reformën territoriale? Keni një propozim alternativ?
Meta: Unë mbështes 100% propozimin e zotit Ylli Asllani. Por mendoj se nuk do ketë një ndryshim.
Pyetje: Ka një propozim që kërkon t’i bëjë një 30 njësi vendore?
Meta: Ne jemi kundër çdo lloj skenari të tillë. Edhe ndarja aktuale ka qenë dështim. ka qenë një marrëveshje mes Ramës dhe Bashës atëherë kur ndodhi kjo gjë. Duheshin 84 vota për këtë reformë administrative.
Unë kam insistuar, mendoja se ishte e nevojshme një reformë të tillë, kam dërguar Bashkim Finon dhe Petrit Vasilin në kongresin e PD-së për këtë reformë territoriale dhe kanë kërkuar argumentet. Ata kurrë nuk i sollën.
Discussion about this post