“S’do na tregojë ajo se ç’do bëjnë demokratët”, Bardhi për deklaratën e Garros: Selia e PD është pronë e të gjithëve

Sekretari i Partisë Demokratike, Gazment Bardhi i përgjigjet skenarëve të mundshme për “dhunë” nga ‘Foltorja’ dhe ka sulmuar zëdhënësen, Floriana Garo.

Sipas tij, selia e PD është pronë e PD, e demokratëve, asnjë demokrat nuk është i përjashtuar për të ardhur në seli, nuk kemi mbyllur derë dikujt, çdokush është i ftuar të vizitojnë selinë qendrore.

“Selia e PD është pronë e PD, e demokratëve, asnjë demokrat nuk është i përjashtuar për të ardhur në seli, nuk kemi mbyllur derë dikujt, çdokush është i ftuar të vizitojnë selinë qendrore. Pastaj deklarata të papërgjegjshme të një njeriu, Floriana Garo që flet në emër të demokratëve se nuk përfaqëson asnjë demokrat, se s’ka bërë asnjë betejë, nuk mund të as të na tregojë çdo bëjnë demokratët dhe as t’i mësojnë.

Bardhi gjithashtu thotë se demokratët i kanë dalë për Zot PD-së dhe betejën e kanë vetëm përballë Edi Ramës.  

“Demokratët i kanë dalë për Zot për PD, një betejë kemi ne, këta burra dhe gra që janë me mua në sallë dhe mijëra të tjerë që janë jashtë kësaj salle, kanë përballje dhe betejë më Ramën, dikush tjetër ka vendosur për problemet e tij personale të ketë betejë, përgjegjësia jonë, e çdo institucioni është të mos ketë luftë brenda” – tha Bardhi.