“S’doja të vdes pa të taku”, qytetari-Berishës: Dorën që të dhashë s’ja jap njeriu për tre ditë

Është shoqëruar me batuta dhe të qeshura fjala e një qytetari nga Puka gjatë takimit të kryetarit të Partisë Demokratike, Sali Berisha me banorë të Pukës dhe Fushë Arrëzit.

Teksa mori fjalën, ai tha se është një mbështetës i Berishës bashkë me familjen, ndërsa shtoi se një dëshirë e madhe e tij ishte që ta takonte atë dhe t’i jepte dorën.

“E kam lutur Zotin që mos vdes pa takuar Berishën, jam betuar që pasi t’i jap dorën, tre ditë nuk ia jap njeriu tjetër, të ruaj shijen e një vllai dhe një burrë shteti që lufton për liri, për komb e për demokraci”, u shpreh ai.

Pasi përfundoi fjalën e tij, Berisha është takuar me të moshuarin, duke i plotësuar kështu edhe dëshirën e tij.