Së shpejti nënë për herë të parë/ Këngëtarja e njohur në pritje të ëmbël (FOTO)

Këngëtarja e njohur e muzikës popullore, Mariola Kaçani është në pritje të ëmbël dhe do të bëhet nënë për herë të parë.

Lajmin e ka zbuluar vetë ajo përmes një postimi në rrjetin e saj social Instagram, teksa ka uruar partnerin për ditëlindje. Këngëtarja ka ndarë një foto, ku shihet bashkë me partnerin që mbajnë duart te barku i rrumbullakosur.

“Edhe 100 të tjera zemër. Të uroj shëndet e vetëm lumturi pranë nesh. Gëzuar ditëlindjen babi Aldo. Të duam shumë.”

Duket se ata do bëhen me djalë pasi dekori është me tullumbaca blu, që lë të nënkuptohet më tepër.

Kujtojmë se, në një intervistë që dha më parë, Mariola është shprehur se dashuria e madhe që ka ndjerë për mbesën e saj, Marina, ia ka shtuar dëshirën që të bëhet nënë. Ajo prej kohësh është në lidhje me një person të panjohur për publikun që nuk e ekspozon shumë në rrjetet sociale.

“Po nuk mendoj se publiku ka interes për këtë. Edhe unë njeri jam si të gjithë, jetoj ha pi dashuroj, dal. Jam e dashuruar. Nuk bëj plane për dasmë, shijoj jetën.” tha ajo në një intervistë kur u pyet për partnerin dhe planet për dasmë.