Sekretari i Përgjithshëm i Partisë Demokratike, Flamur Noka ka reaguar pas shtyrjes së seancës së deputetit demokrat Ervin Salianji për çështjen “Babale”.
Në një reagim në Facebook, Noka akuzon gjyqtarët se për shkak të lidhjeve miqësore me vëllezërit Xhafaj po përpiqen t’i mbyllin gojën Salianjit.
“Kolegu Ervin Salianji bëri publik investigimin e gazetarit që provonte se vëllai i “rilindasit” Fatmir Xhafa vazhdonte organizimin e trafikut të drogës. Me procese gjyqësore të montuara në shkallën e parë dhe në apel, vëllazëria e drogës i është vërsulur deputetit të Partisë Demokratike me akuzën se ai u ka dëmtuar imazhin që me “djersën e ballit” e kanë vendosur në Itali e Venezuelë. Pjesë e planit për t’i mbyllur gojën deputeti Salianji janë gjyqtarë me lidhje miqësore me klanin Xhafa, agjentë të SHISH, dëshmitarë të rremë e mbi këta qëndrojnë dy narkoshtetarët Edi Rama dhe Fatmir Xhafa. Ndodh edhe kjo, që një i arratisur ka besim te drejtësia”, tha Noka.
Discussion about this post