Pas seancës të përbashkët të mbajtur sot mes kuvendit të Shqipërisë dhe Kosovës, ka reaguar deputetja e Partisë së Lirisë, Monika Kryemadhi.
Në mesazh, ajo “thumbon” dhe kryeministrin Edi Rama, duke thënë se bashkëpunimi mënjanon aventurat me interes individual të disa politikanëve, si Ballkani i Hapur.
Postimi i plotë:
Sot në mbledhjen e parë historike të kuvendit të Shqipërisë me atë të Kosovës, zhvilluar si pjesë e ceremonive me rastin e 110 vjetorit të Pavarësisë së Shqipërisë.
Si të zgjedhurit e popullit, ne deputetët e Shqipërisë dhe të Kosovës duhet të bëjmë më tepër çdo ditë, për të shtuar bashkëpunimin që rrit mirëqenien e qytetarëve tanë, fuqizon ekonomitë tona, e që mënjanon aventurat me interes individual të disa politikanëve, si Ballkani i Hapur.
Discussion about this post