Në GJKKO ka nisur seanca e radhes ndaj Fredi Belerit, kryebashkiakut të zgjedhur të Himarës.
Ndërkohë sikundër raportohet në ambientet përballë GJKKO janë mbledhur mbështetës të shumtë të kryebashkiakut të Himarës.
Gjithashtu në GJKKO janë vendosur dhe tre media greke të cilat po ndjekin nga afër procesin.
Po kështu kreu i PBDNJ-së, Vangjel Dule, dhe ambasadorja greke në Tiranë, Konstantina Kamitsi, janë shfaqur në ambientet e GJKKO.
Beleri është marrë i pandehur nga SPAK për korrupsion në zgjedhje. Megjithëse ai ka kërkuar leje të posaçme për t’u betuar në Këshillin Bashkiak, gjykata ia ka refuzuar disa herë, madje dhe Gjykata e Lartë, e cila e ka rikthyer kërkesën në GJKKO.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit.
Ai së bashku me bashkëpunëtorin e fushatës elektorale Pandeli Kokaveshi akuzohen për veprën penale të shit-blerjes së votave.
Discussion about this post