Seanca paraprake për çështjen “Partizani” do të mbahet më 20 janar ora 10:00. Avokati i kryetarit të PD-së, Sali Berisha, Genc Gjokutaj foli për gazetarët përpara SPAK, teksa hodhi poshtë mundësinë e gjykimit të shkurtuar për çështjen e klientit të tij. Avokati Genc Gjokutaj tha se dosja nuk duhet të shkojë për gjykim në Gjykatën e Posaçme Antikorrupsion pasi kallëzimi është i rremë.
Gjokutaj: Çështja e zotit Berisha nuk diskutohet çështja për gjykim të shkurtuar, ne shikojmë pushimin, s’është detyra jonë të shpjegojmë, kallëzimi është i rremë, çështja e pronës. Kontestimet tona ishin voluminoze, për të shpjeguar çdo detaj se kjo çështje s’duhet t’i shkojë gjykatës për gjykim.
Gjokutaj u shpreh qartë se nëse SPAK vendos ta çojë çështjen në gjyq, mbrojtja e Berishës do të kërkojë pafajësinë. “Është detyra e SPAK të provojë fajësinë,” theksoi ai, duke nënvizuar se barra e provës qëndron mbi organin e akuzës.
Më herët ditën e sotme Sali Berisha u paraqit në SPAK në kuadër të masës së caktuar ndaj tij për “detyrimin e paraqitjes”.
gijotina.com/
Discussion about this post