Kryetari i PBDNJ, Vangjel Dule, është parë të enjten duke hyrë në SPAK. Dule ka shkuar për të marrë pjesë në seancën gjyqësore për Fredi Belerin, kryebashkiakun e Himarës, i cili mbahet i burgosur me akuzën e blerjes së votave në zgjedhje.
“Ndalohet të kryejë betimin si kryebashkiak i zgjedhur në shkelje edhe të precenteve të krijuara gjatë viteve te shkuara në vendin tonë. Mjafton t’ju përmend rastin e një deputeti të zgjedhur, i cili ishte i paraburgosur dhe u lejua jo vetëm të kryejë betimin si deputet për të vazhduar aktivitetin e tij parlamentar. Gjithashtu një koleg deputet, i cili pasi iu hoq mandati, ishte i paraburgosur vazhdoi të ushtronte të drejtat e tij si parlamentar me prani fizike në sallën e parlamentit.
Çfarë ka ndryshuar në legjislacionin shqiptar, që z.Beleri po i shkelet kjo e drejtë elementare?
Drejtësia duhet që “pataten e nxehtë”, ta trajtojë me frymën e ligjit me germën e ligjit. Nuk ka asnjë arsye që z.Beleri të qëndrojë qoftë edhe në sekond i burgosur.
Nuk kemi ende vendim gjykate. Askush nuk ka të drejtë të paragjykojë procesin gjqyqësor i cili ende nuk ka filluar. Fakti që z.Beleri nuk është lejuar që të kryejë betimin është një shkelje flagrante e pajustifikuesheme, papranueshem dhe një precendet tepër i rrezikshëm.”, tha ai.
Beleri nuk ka arritur të marrë mandatin për shkak se nuk u lejua të kryejë betimin para këshillit Bashkiak, ashtu sikundër parashikohet nga ligji, ndërkohë që KQZ e ka njohur si fitues të zgjedhjeve të 14 majit për Bashkinë e Himarës.
Beleri u arrestua dy ditë para zgjedhjeve, ndërsa operacioni kundër tij u parapri nga një fushatë denigruese me akuza dhe fyerje të Kryeministrit Edi Rama ndaj kandidatit që garonte nën siglën e koalicionit “Bashkë Fitojmë”.
Beleri kërkoi dy herë leje për të bërë të mundur betimin si kryebashkiak por ajo i është refuzuar.
Rasti i Belerit ka ngjallur sensibilitet të madhe brenda dhe jashtë vendit, duke qenë përfaqësues i minoritetit dhe i zgjedhur në një bashki bregdetare.
Discussion about this post