Seanca për masat e sigurisë, biznesmeni Gentian Sula ironizon gazetarët: Pse lodheni që në mëngjes

Biznesmeni Gentian Sula ka mbërritur në Gjykatën e Posaçme ku dhe do të mbahet seanca për masën e sigurisë. Momentalisht Sula është lënë me masën e sigurisë “Detyrim për t’u paraqitur në policinë gjyqësore”.

“Më vjen keq që lodheni që në mëngjes”, tha Sula për gazetarët teksa po hynte në ambientet e GJKKO-së. Sula dyshohet për kryerjen e veprës penale të “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga neni 245 i Kodit Penal, përfaqësues i subjektit tregtar “A. K.” shpk.