Ka përfunduar seanca në Gjykatën Kushtetuese për shkarkimin ose jo të Presidentit Ilir Meta. Vendimi pritet të jepet brenda 30 ditëve i arsyetuar dhe do të publikohet në faqen zyrtare të Gjykatës Kushtetuese.
Seanca e tretë për shkarkimin e Presidentit Ilir Meta zgjati rreth 3 orë. Pasi palët dhanë konkluzionet e tyre përfundimtare, Gjykata Kushtetuese mbylli seancën plenare dhe është tërhequr për vendim.
Ditën e sotme, përfaqësuesit e Presidentit paraqitën përgjigjet për 72 pyetjet që patën anëtarët e Gjykatës Kushtetuese dhe përfaqësuesit e Kuvendit si palë në gjykim, gjatë seancës së kaluar.Pas kësaj, gjykata vendosi 1 orë pushim që pala mbrojtëse të përgatitej për konkluzionet përfundimtare.
E para që parashtroi diskutimet përfundimtare ishte Klotilda Bushaka, si përfaqësuese e Kuvendit. Ajo kërkoi që Meta të shkarkohej pasi ka shkelur rëndë kushtetutën. Bushka përmendi të gjitha shkeljet e Metës sipas vlerësimit të Kuvendit. Ndërkohë, këshilltari i Presidentit Dervishi u shpreh se Kuvendi po trajton çështjen e shkarkimit të Metës si goditje ndaj tij për qëllime politike.
Discussion about this post