Në Gjykatën Kushtetuese ka nisur seanca për shqyrtimin e vendimit për shkarkim ose jo të presidentit Ilir Meta, ku sot është parashikuar që Presidenca do të përgjigjet për 72 pyetjet.
Por mësohet se që në nisje të seancës, pala e Presidenti ka bërë një kërkesë, pasi sipas përfaqësuesit të tij ligjor, ka shkelje në procedurat për shkarkim.
“Ka shkelje në procedurat e Kuvendit për shkarkimin. Jemi në seancën e tretë te kësaj çështje. Presidenca parashtroi përgjigjet e saj. Edhe Kuvendi i dorëzoi me shkrim. Nuk u përgjigj brenda 2 orësh. Se ishte në pamundësi. Përgjigjet ne i kemi hartuar me shkrim. I depozitoj para gjykatës përgjigjet me shkrim të presidentit. Duke u ndalur tek disa prova të reja që kanë ardhur nga Kuvendi dhe presidenti. Dua të anatemoj vërtetësinë e provës nga Kuvendi, ka ardhur te premten me urgjencë, ndërkohë që punonim mbi pyetjet. Bëhet për të hedhur poshtë pretendimet e presidentit. Kjo është urgjenca, ne e kuptojmë. Por Kuvendi s’mund të ndërhyjë të prova, te vërtetësia e saj”, ka thënë përfaqësuesi ligjor i Metës, Bledar Dervishaj.
Ndërsa, Gjykata Kushtetuese është mbledhur sërish për shqyrtimin e vendimit për të shkarkuar ose jo Presidentin, ky i fundit ka dhënë mesazhin e tij si në ditë normale. Kreu i shtetit ka publikuar një foto në rrjetet sociale, ku shfaqet tek Liqeni Artificial i Tiranës, ndërsa u uron ndjekësve një javë të mbarë. “Të dashur miq ju uroj një javë të mbarë!”, shkruan Meta.
Discussion about this post