Seanca e sotme plenare ka nisur me një minutë heshtje për vdekjen e mbretëreshës Elizabeth II në 8 shtator të këtij viti. I pranishëm në seancë është edhe ambasadori britanik Alastair King Smith.
Gjatë seancës së sotme pritet të diskutohet edhe lidhur me ratifikimin e një marrëveshje për shkëmbim informacioni mes autoriteteve shqiptare dhe britanike sa i takon migracionit të paligjshëm të shqiptarëve në Mbretërinë e Bashkuar.
Deputetët do të diskutojnë gjithashtu për projektligjin për ratifikimin e marrëveshjes mes Shqipërisë dhe Emirateve të Bashkuara Arabe për bashkëpunim në fushën e sigurisë dhe terrorizmit. Ditën e sotme pritet të zgjidhen dhe dy anëtarët e rinj të Këshillit të RTSH-së, Albert Minga dhe Edmond Tullumani.
Discussion about this post