Kuvendi mban sot mocionin me debat me kryeministrin, për çështjen McGonigal, të kërkuar nga opozita.
24 orë do të jenë në dispozicion të opozitës për të zhvilluar mocionin me debat me kryeministrin Edi Rama për çështjen e skandalit të arrestimit të ish-zyrtarit të lartë të FBI-së Charles McGonigal që ka sjellë akuza të forta nga ana e opozitës ndaj kryeministrit.
Në sallën e seancës plenare sot pritet të jetë kreu i Partisë Demokratike, Sali Berisha dhe një grup i deputetëve të opozitës, cilëve u ka përfunduar afati i përjashtimit gjatë seancave të kaluara pas tensioneve dhe debateve të forta në Kuvend.
Nga ana tjetër pritet që në sallë të ketë mungesa nga radhët e opozitës për shkak të përjashtimeve masive të deputetëve nga ana e mazhorancës për sjellje jo etike në seancat e mëparshme plenare.
Në Kuvend do të mungojnë 4 deputetë, Edmond Spaho, Elda Hoti, Sorina Koti dhe Oerd Bylykbashi
Discussion about this post