Indrit Sefa, Sekretar për Çështjet Ligjore në PD zyrtare, ka reaguar pas vendimeve të Këshillit Kombëtar, i cili jo vetëm anuloi procesin zgjedhor të 29 korrikut, por pezulloi Kryesinë si një forum që ka shkelur statutin.
Me tone ironike, Sefa shkruan në rrjetet sociale se Gazment Bardhi krijoi partinë e parë digjitale në vend.
“Nuk ka gjë më qesharake se deklarata e sotme e Gazment Bardhit që ngarkon dhe shkarkon institucionet e PD, përfshirë dhe kryesinë, pasi përfundon një takim imagjinar.
Çdo demokrat ndihet sot i turpëruar për këtë keqpërdorje të radhës që Sali Berisha po i bën deputetëve të PD për interesat e tij personale. Hallet e Sali Berishës nuk janë hallet e demokratëve. Dhe të gjithë ata që i shërbejnë qëllimeve të tij e kanë të shkruar fatin e tyre në 3 dekadat e pluralizmit shqiptar.
I urojmë zotit Bardhi suksese për krijimin e partisë së parë digjitale në vend. Është një hap inovativ që duhet përshëndetur. PD nga ana e saj do të vijoje normalisht procesin e reformimit të saj dhe të zgjedhjes së kryetarit në datën 29 korrik. Vetëm kështu mund ti shërbejmë qëllimit të demokratëve në përballjen me regjimin e Edi Rames”, shkruan Sefa.
Discussion about this post