Indrit Sefa, Sekretar për Çështjet Ligjore në PD-në e vulës, tha në studionin e Neës24, se largimi i të rinjve nga Shqipëria nuk është faj i Qeverisë, por i Partisë Demokratike e cila nuk mbjell shpresë.
“Ne duhet të mbjellim shpresën, ndaj edhe po organizohemi”, tha Sefa.
Ai tha se PD nuk është partia e deputetëve, por është e kundërta, deputetët i përkasin partisë.
“Jeta parlamentare është shumë e rëndësishme, deputetëve nuk i mbyllet dera, janë aty, nëse kanë ndonjë gjë, le të vijnë dhe ta thonë atë që mendojnë”, tha Sefa.
Ai e konsideroi anti-statutore mbledhjen e Këshillit Kombëtar të thirrur nga Gazment Bardhi. Sefa tha se nuk ka asnjë parashikim në statut që Sekretari i Përgjithshëm mbledh Këshillin Kombëtar, duke u shprehur se i takon Kryesisë të marrë një vendim të tillë.
Ndërsa sa i takon numrit të anëtarëve të PD-së, Sefa tha se nuk mund të caktojnë Kryetarin e PD ata që kanë bërë fushatë për Ilir Metën.
Discussion about this post