Analisti Neritan Sejamini akuzoi qeverinë e kryeministrit Rama se përmes ligjit për investimet strategjike, po merr pronat e pronarëve në Jug të vendit, jo vetëm duke bërë padrejtësi, por duke dëmtuar potencialin e turizmit, që është pasuri e vendit.
“Ligji për investimet strategjike ka për qëllim që t’u marrë pronën të gjithëve në Jug, sepse ky ligj thotë: Nuk ka rëndësi se kush është pronari, jepja investitorit strategjik, dhe, edhe nëse del pronari, qeveria do ta shpronësojë dhe do t’ia japë investitorit strategjik.
Duke parë se çfarë po bëjnë investitorët shqiptarë, që po bëjnë vila për qeveritarët dhe të pasurit, atëherë kjo është padrejtësi e madhe për potencialin e turizmit.
Kjo është pasuri e madhe e bregdetit për t’u integruar në Evropë.
Nëse ne do ta marrim bregdetin dhe do ta bëjmë vila për të korruptuarit dhe oligarkët, pa asnjë kapacitet turistik, po e shkatërrojmë. Nga Palasa e tutje nuk ka asnjë hotel”-tha Sejamini.
Discussion about this post