Sekretari Amerikan i Shtetit, Antony Blinken gjatë fjalës së tij në takimin e mbajtur në samitin e NATO-s në Riga ka komentuar situatën mes Rusisë dhe SHBA-ve. Ai u shpreh se nëse Rusia do të pushtojë Ukrainën, SHBA do të veprojë.
“Nëse Rusia pushton Ukrainë, ne jemi gati të veprojmë”, ka thënë Blinken.
Ndonëse paralajmëroi sërish Rusinë së SHBA nuk do të qëndrojë indiferente nëse do të ketë ashpërsim të situatës, Blinken sërish theksoi se mënyra më e mirë për zgjidhjen e konfliktit mbetet diplomacia.
“Ne nuk dimë nëse Putin ka marrë vendimin për të pushtuar, por ne duhet të jemi të përgatitur për të gjitha rastet”, ka thënë më tej Blinken.
Komentet e Blinken vijnë mes shqetësimeve se Rusia mund të kryejë një pushtim tjetër në Ukrainë, ndërsa forcat ushtarake të Moskës po krijohen pranë kufirit. Ai i bëri komentet në një konferencë të përbashkët shtypi me ministrin e Jashtëm të Letonisë Edgars Rinkēvičs në Riga, ku po merr pjesë në një takim të ministrave të jashtëm të NATO-s që synon adresimin e grumbullimit të trupave ruse në kufirin me Ukrainën.
“Është një retorikë gjithnjë e më luftarake, është ngritje e fundit e forcave. Janë lëvizje të pazakonta trupash përgjatë kufirit të Ukrainës,” tha Blinken të martën, duke shtuar “Do të kem shumë për të thënë për këtë nesër pasi të kem mundësinë të konsultohem me aleatët në takimet e NATO-s që filluan sot pasdite”.
Discussion about this post