Anëtari i Këshillit Kombëtar të PD-së, Roland Bejko, teksa komentonte në një intervistë pamjet e drejtpërdrejta nga selia blu, nuk u përmbajt aspak ndaj ish-kryeministri Sali Berisha, të cilit i tha se duhet të ikë dhe të gëzojë pleqërinë.
“Po ik ore në shtëpi gëzo pleqërinë, ngele rrugëve”, u shpreh Bejko.
Sipas Bejkos problemi brenda Partisë Demokratike mund të zgjidhet përmes garës osë gjykatës, si të vetmet alternativa që mund t’i japin fund krizës brenda kësaj force politike.
“Kjo punë nuk bëhet, ohohohoho, dil ti në majë të malit dhe thua “dil ti more nga shtëpia se do të vij unë se kam më shumë njerëz. Gjykata dhe gara janë në demokraci, nëse do të heqësh dikë dhe vendosësh dikë” tha ai.
Ai bëri dhe një koment për zëdhënësen e lëvizjes së Sali Berishës, Floriana Garon, për të cilën tha se nuk ka asnjë kontribut në PD.
“Ajo goca, që ka qenë zëdhënëse, e shoh shumë të inatosur, nuk i njoh ndonjë kontribut, zero”.
Berisha u shfaq ditën e sotme sëbashku me mbështetësit e tij në selinë blu, ku akuzoi Bashën se ka privatizuar PD-në. Në të njëjtën kohë ai bëri thirrje që mbështetësit t’i bashkohen në protestë ditën e nesërme, të cilën e cilësoi si paqësore.
Discussion about this post