Sekretari i FRPD-së Rigels Muçollari në një deklaratë për mediat sot ‘shpërtheu’ ndaj kryedemokratit Basha sa i takon zgjedhjeve të forumit duke shprehur se vendimi mbi datën dhe procesin merret vetëm nga kryesia dhe është antikushtetues dhe formë hakmarrjeje hapja e garës në këtë moment.
Muçollari ironizoi duke thënë se Basha nuk është i mirë me shifrat pasi dhe në vitin 2015 nuk u anashkalua në asnjë moment kryesia dhe drejtuesit e saj.
Ai theksoi më tej se kryetari i PD-së nuk e njeh konceptin votë.
Kujtojmë se Basha deklaroi sot se nuk po bën gjë tjetër veçse po respekton statutin duke hapur garën një anëtar një votë për kreun e ri të FRPD-së, pasi mandati i Këlliçit ka përfunduar.
Në një deklaratë për mediat, Nebiaj, e cila është pjesë e grupit të punës tha do të kujdesen që procesi të jetë transparent.
“Për të dhënë mesazhet e duhura dhe për të pasur një kontribut të bukur. Demokracia duhet të jetë gjithëpërfshirëse. Do të kujdesemi që forumi të ketë një proces gjithëpërfshirës. Nuk kemi një datë. Besoj që është e vlefshme që ta shfrytëzojnë këtë të gjithë bashkë. Dua tu bëj thirrje të rinjve që e shikojnë përfshirjen në politikë jo si burokraci. Forumi rinor për këtë është që të bëjë bashkë sa më shumë të rinj. Janë pretendime në sajë edhe të faktit që të gjitha mandatet kanë kaluar. Duhet të ishte bërë dhe më në fund jemi gati të realizojmë një proces të bukur, që nuk mandaton një kryetar për interesa të vetat por për të të gjithëve,” u shpreh ajo.
E pyetur se kush e ka firmosur urdhrin për zgjedhjet në 2014, kryetari apo sekretari i Përgjithshëm, ajo u përgjigj: “Unë kam qenë kandidatja që humbi, pyet kryetarin aktual. Statutet janë edhe online dhe informacioni mund të merret. Nuk e mbaj mend fare”.
Discussion about this post