Janë zbardhur të tjera diskutime nga mbledhja e Kolegjit të Kryetarëve të Partisë Demokratike, ku në fokus kanë qenë rezultatet e zgjedhjeve të pjesshme lokale të datës 6 mars.
Deputeti i Kukësit, njëherësh, sekretar organizativ i PD-së, Flamur Hoxha gjatë fjalës së tij ka folur për riorganizim të Partisë Demokratike, ku t’u jepet mundësia të rinjve.
Sipas tij, kryetarët e degëve duhet të pyetën e të marrin përgjegjësi për listat e kandidatëve që zgjedhin për deputetë.
“Dua të falënderoj kandidatët që morën këtë sfidë. Hynë në një garë sakrifikuan shumë. Fjala deputet para jush nuk flet. Kryetar nëse ka dikush që duhet të ngrejë zërin jeni ju dhe kryetarët e degëve. Nëse vendosim këtë standard nisim rrugën e riorganizimit. Strukturë, rinia e ardhmja. Duhet rinuar struktura. Duhet që kryetarët e degëve të pyeten për gjithçka në degët e tyre. Kryetarët e degëve duhet të pyetën e të marrin përgjegjësi për listat e kandidatëve që zgjedhin për deputetë.”, tha ai.
Discussion about this post