Sekretari i Përgjithshëm i NATO-s, Jens Stoltenberg, ka reaguar ditën e sotme në lidhje me ngjarjet e fundit që po ndodhin në Ukrainë. Përmes një deklarate për mediat ai tha se aleanca ishte e shqetësuar për veprimet e Rusisë, pasi po kërkon të gjejë me doemos shkas për të sulmuar Ukrainën. “Rusia po përpiqet të krijojë një justifikim për një sulm të armatosur në Ukrainë”, u shpreh ai
Separatistët rusë sot kanë sulmuar një kopsht të fëmijëve, ku kanë mbetur të lënduar tre persona. Kjo ka bërë që të reagojë edhe kreu i aleancës verioro-atlantike, i cili ka shprehur shqetësimet me veprimet e fundit të shtetit rus. “Ne jemi të shqetësuar sepse Rusia po përpiqet të krijojë një justifikim për një sulm të armatosur në Ukrainë. Nuk ka ende asnjë qartësi, asnjë siguri për qëllimet e Rusisë. Ajo ka grumbulluar forcën më të madhe që kemi parë në dekada”, tha ai.
Norvegjezi tha se po shqyrtonte mundësinë e dërgimit të forcave të tjera luftarake në Rumani dhe në pjesën juglindore të Aleancës. Ndërsa, Rusia ka dislokuar tashmë mbi 130 mijë trupa ushtarake në zonën kufitare me Ukrainën
Discussion about this post